.:. أحلى مجموعة أبوذيااات .. أهداء .:.

مدوهن ماعرف شركه شماله
مصايب هالوكت يردف شماله
وحك من كطعوا يمينه وشماله
مطخن راس للدنيا الرديه

مظل بالدار بس الذيب وحداي
غريب بليل جلجل غيم وحداي
سرا ضعن الاحبهم حبف وحداي
غريب وشامت وطبعه الاذيه

*****************************
يحلوه حساب احسبيلي وعدي
اذا خالفت يوم وياج وعدي
من حبج عليل اصبحت وعدي
تخاف الناس محد يمر بيه
******************************
تره انه المصايب دوخني
ولجروحك يخويه دوخني
احترك كلبي بجفاكم دوخني
ولا يطفه وتضل ناره سريه

جمالك بل كلب والروح طرفاي
شعرك في جبينك نور طرفاي
احذرك لا تجي ودوس طرفاي
اوج كلي وطرف ما يضل بيه

گلبي اليوم من گلي يساره
ويمين الدرب مايندل يساره
احبج وچ دحنيلي يساره
مو حتى الصخر حن على ميه ...


علي دومك يا حلو الطول تبغي,
شنهو الي تريده وياي تبغي,
ماعندي كحول وخلص تبغي,
واسكر لو يمر طيفك عليه...

احباب الروح كلبو فرد كلبه
ووقتنه بلون نص الليل كلبه
دفعني وانكلبت شلون كلبه
وسحكني ومن عثر ضل يسب بيه

طلع خاين حبيبي مركريري
لان شوگه خذاني مركريري
لون تنشد شگلك مركريري
يگلي انت السده واللحمه اليه

لواني العوز صح وكاسراني
رغم هذا بقيت الكاسر اني
بيرة وي عصيري كاسر اني
لشتظن اسكر بعد هجرك الية

ردت طيفك يلوح بيوم مالاح
طعم فركاك صار هوايه مالح
ولك بعد مادز رساله وبد مالح
لان مشتاك لصباحك عليه

بس عبرتـك
ولاهم لعباره بس عبرتـك
ومتت ماردت منك بس عبرتـك
أعترفلك چنت خلفك بس عبرتـك
وركض سنتين ماتلحگ علــيه
.................
يـوراك
الكتلني فوگ يور الگلب يـوراك
المهم بي موت تطحن طحن يـوراك
إذا گدامك أمشي چنت يـوراك
بكلا الحالات أخير الفوز ألـيه
.................
وينك أتـه
وجن للدمع ماظل وينك أتـه
وسوه طلعت حسرتي وينك أتـه
يلتگلي لحگتك وينك أتـه
شتلحگني؟صعدت أعله الثريـه
......
شفتك أته
حرام الدمع ينظم شفتك أته
ألك يالتيهتني شفتك أته
جمر حرگتلي شفتي شفتك أته
جهنم بيك وآنه ألحاد بيه
..............
منسرن بيك
چنت وياي ورده منسرن بيك
ونغم خلخال بذني منسرن بيك
الليالي شلون وكّح منسرن بيك
سرن بيك وسروا للگبر بيه
.............
شعـــــدلاك
أنه الميت بطعناتك شعـدلاك
وحده اثنين شحسبلك شعـدلاك
عوج من جدمك لراسك شعـدلاك
عدلتك وانگطعت أبين أديه
.........
بس أعيده
اكو جروحه غميجه بس أعيده
وأكو ماينعد اصلا بس أعيده
وأكو يموت اعله بيتي بس أعيده
يجيني من الصبح يقرا عليه
...........
الگلب تستاهده أبيض صارگطعه
من الدم والمشيته صارگطعه
شرايد كلبي أكطعه صارأگطعه
وأگطّع حته أديه بذني أديه
............
رطب وجهك علامه صارسله !!!
بدي ولگلبي هجرك صارسله!!!
شرايد گلبي أسله صار أسله
حسام ليمنتك هد بيه عليه
.........
شيضرك أن تسامح ,انتهديت
وكلتلك لاتهدني وأنتهديت
أنه الهديت كبلك وانتهديت
وراي وهدتك صارت عليه
.....
صرت أحنه عله كيفك وأنتصرنه
وخرز طشرنه خدك وأنتصرنه
عله اشفافك هجمنه وأنتصرنه
وّاحدنه اشتعل بشفاك ابيه


تهت ما تعرف الباعك والشراك
مثل طير الوكع بالفخ والشراك
دجوز من الكفر والشك والاشراك
وشوف الله بمحبتة اشلون نيه

طمني عساك ابخير يالغالي وسلامه
واجمل تحيه الكلب يبعثلك وسلامه
نموت احنه وتعيش انت ابسلامه
ونظحي برواحنه الروحك هديه
وين الله ودليلي يوم ينساك
وخلص يالفلا احد بالناس ينساك
الذهب ويا الصفر لو يوم ينسك
الذهب يطغى على ابو اطباع الرديه

احبابي شلون حالتكم يهلنه
اتاني بشوك طيفك من يهلنه
احبك والله احبك من جهلنه
حبك بالگلب والشيب بية

فصوص العين فص يمي وفص لك
يامن طيب انتة اصلك وفصلك
اخيطك بيدي تدريني وفصلك
وجيبك فيت يلترهم علية

بسبب توصل اكبالي وتهم باالسر
وقيدني غرامك حيل با السر
نسيت اتمازحك وياي با السر
وجنت كوة تذب روحك علية

والاكدار
حلو طعم الحزن لاجلك والاكدار...(المكدرات)
بس ال كربـــلا دمـعي ولك در...(صب دمـعي)
ِبگلبي ما بقى مـسكن ولك دار...(لك بيــت)
أسيْر اعليه صرت صبح ومسيّــة

اكتبلي شماردت تكتب ورد الك
ازعل وابتعد وامشي وارد لك
بساتين بوسط الكلب زرعت ورد لك
عزيز وغالي تبقى عليه

هذه الابوذيات للشاعر المبدع الكبير سعد محمدالحسن البهادلي
صبابة اللك وحدك نصبها
محاجيك عسل عالمر نصبها
الكلب كم سيطرة بروحي نصبها
غيرك مايمر لومو هوية

اريد افرمت كلبي والغي رامه
واشيل العشك منه والغي رامه
عليك انت المخطط والغرامه
لان حسنك كسر غفله عليه

عليك الچفن ما فد يوم سلهم
وحبك يا حبيب الرووح سلهم
اللي عدوان وانت روح سلهم
يحچولك هواك اشعمل بيه

جنت وباك واحد منتقسم
راضي بحصتي منك من تقسم
عرفت شلون تغدر من تقي السم
من حلك الافاعي وجبتة لية